Royna framvegis at fáa rakstur á

Lýsingarorðini um, hvussu illa tað gongur at fáa rakstur á grindina í Vágum, eru nógv, tá vit ringja til sýslumannin at frætta hvussu gongur.

Sum skilst gongur grindin í fleiri bólkum, og ætlanin er enn at reka grindina til Bíggjar.

Grindin er stødd miðskeiðis millum Tindhólm og Presttanga, kanska heldur nærri Presttanga, sambært jn.fo.

Enn verður so roynt at fáa rakstur á, upplýsir sýslumaðurin, og tað verður helst roynt til tað fer at skýma.