Russiskt rakettálop á Kiev

Tað nærkast til trý-ára dagin fyri russisku innrásina í Ukraina, og álopini halda fram. Í nátt var tað høvuðsstaðurin, ið tað tað gekk útyvir.

Russiski herurin skeyt fleiri rakettir, og sum avleiðing av álopinum doyði minst ein persónur. Altjóða miðlar skriva, at minst fýra vóru løstaði.

Forsetin  staðfestir, at nógvir bygningar hava fingið skaða eisini. Samstundis sigur Volodymyr Zelenskyj, at sjey ballistiskar rakettir og 71 dronur hjá Russlandi eru skotnar niður. 

Talan var um sonevndar ballistiskar rakettir, sum russar ikki hava so nógvar av. Summi meta, at tær eru komnar úr Norðurkorea.

USA er vónin hjá nógvum ukrainum

Volodymyr Zelenskyj skrivaði í morgun á Telegram, at Vladimir Putin ikki vil frið. -  Hann heldur á við at drepa ukrainar og leggja býir í oyði.

Tað krevur eitt trýst á Russland og tað at stuðlar hjá Ukraina standa saman, fyri at kríggi kann fáa ein "rættvísan enda", orðar forsetin í krígsherjaða landinum seg.

Ukrainar svara eisini aftur, og tað eru nógv mannalív, ið fara fyri skeyti í krígnum. Serligi Ukraina-bólkurin hjá NATO skal í dag viðgerða, hvørs fleiri vápn skulu sendast til Ukraina.

Amerikanski verjumálaráðharrin Pete Hegseth luttekur í afundinum. USA fer helst at blanda seg meira í kríggi undir nýggja forsetanum, sum hevurr lovað frið í økinum.

Sambært sendifólki seta nógvir ukrainar nú sína vón til USA og Trump-stjórnina. 

Umboð høgt í Russlandi hava aftur í vikuni staðfest, at tað ikki kemur uppá tal, at Russland letur landaøki frá sær aftur.