Samferðslan glíður aftur sum vant

Atlantsflog avlýsti fleiri flogfør í gjárkvøldið, og skip hjá Strandferðsluni vóru ávirkað av nógva vindinum í nátt, men í morgun er alt sum vant aftur.

Fyrsta flogfarið setti seg í Vágum klokkan 7:40 í morgum, og ein lítlan tíma seinni var fyrsta fráferðin.

Tey sum skuldu við avlýsti flogførunum hjá Atlantsflogi í gjárkvøldið vóru umbókaði til túrar seinni í dag.

Strandferðslan boðar ikki frá nøkrum avlýsingum fyrrapartin.