Alda Nielsdóttir
Í morgin byrja samráðingar millum Fólkaflokkin, Sambandsflokkin og Javnaðarflokkin.
Tað sigur Beinir Johannesen, formaður í Fólkaflokkinum, sum hevur fingið samráðingarrættin, við miðlarnar VP og Norðlýsið í dag.
Eftir formansumfarið í gjár varð Beinir Johannesen, formaður í Fólkaflokkinum útnevndur til samráðingarleiðara, eftir at øll forfólkini høvdu peikað á hann.
Formaðurin í Fólkaflokkinum segði í gjár við Portalin, at tað var sannlíkt, at Fólkaflokkurin fór í samgongu við Javnaðarflokkin, og at tað mest natúrliga hevði verið, at Fólkaflokkurin fekk løgmann, men tað er ein samráðingarspurningur, segði hann.
Sí eisini: Video: - Natúrligt at tað verður undir leiðslu av Fólkaflokkinum og við mær sum løgmanni
Á løgtingsvalinum hósdagin fekk Fólkaflokkurin níggju umboð í Løgtingið, Sambandsflokkurin fekk sjey, og Javnaðarflokkurin fekk seks. Tilsamans hava flokkarnar 22 tingumboð.
Føroyar hava ikki havt eina ABC-samgongu síðan 2011.
Dagførd kl. 11.45
Vinarliga broyt tínar kennifíla - og privatlívsstillingar fyri at síggja hetta innihald