Sáttmáli undirskrivaður um umvæling av 1981-bygninginum í Tofta skúla

Fríggjamorgunin varð arbeiðstakarasáttmáli undirskrivaður millum Nes kommunu og Timburtænastuna.

Tað hevur leingi verið ætlanin hjá kommununi at umvæla og klæða síðsta partin av útvegginum í 1981-bygninginum í Tofta Skúla. Talan er um veggin, sum vendir niðan ímóti beninum.

Arbeiðið varð boðið út til tríggjar fyritøkur, og tá ið innlatingarfreistin var farin, vóru tvey tilboð komin.

Á býráðsfundi 18. mai samtykti býráðið í Nes kommunu at taka av lægra tilboðnum, sum var frá Timburtænastuni.

Sambært Nes kommunu byrjar arbeiðið nakað eftir summarfrítíðini og verður gjørt liðugt við ársenda. 

Fyri Nes kommunu kemur Teknistovan í Gøtu at hava byggileiðsluna.