Seðlarnir koma út klokkan 20:30

Seðlarnir frás grindini í Sandagerði seinnapartin koma út klokkan 20:30. Tað upplýsir Finnbogi Midjord, sýslumaður.

51 hvalir eru merktir og talan er um 343 skinn, sum verða býtt í 670 partar. Og býtt verður í drápspartar.

Annars boðaði Tórshavnar kommuna frá seinnapartin, at seðlarnir fóru at koma út klokkan 18, men hetta er ein misskiljing, sigur Finnbogi Midjord.

Hetta endurgóvu vit eisini á Portalinum seinnapartin, haldið okkum til góðar.

Seðlarnir koma altso út klokkan 20:30 á Vestaru bryggju.