Seks klipp í gjár

Í gjár var løgreglan úti og kannaði ferðsluna kring landið, og í hesum sambandi vórðu seks bilførarar tiknir fyri at koyra ov skjótt.

Í Norðragøtu vórðu tveir bilførarar tiknir fyri at koyra ávikavist 102 og 106 kilometrar um tíman, har mest loyvda ferðin er 80 kilometrar um tíman.

Í Fuglafirði koyrdi ein 111 kilometrar um tíman, og í Kollafirði varð ein tikin fyri at koyra 102 kilometrar um tíman.

Ein varð eisini tikin í Runavík, og ein í Søldarði. Teir koyrdu ávikavist 73 og 75 kilometrar um tíman, har mest loyvda ferðin er 50 kilometrar um tíman.

Allir fingu klipp í koyrikortið, upplýsir vaktleiðarin á løgreglustøðini í Havn.