Sement: Tríggir teir bestu bólkarnir sleppa at taka upp í Studio Bloch

- Í ár forkela vit nummar 1, 2 og 3 við upptøkum í helst Føroya besta studio: Studio Bloch

Soleiðis skrivar Tórsgøta í tíðindaskrivi um Sementkappingina í dag. Har verður kunngjørt, at Theodor Kapnas fer at vera teknikkari og framleiðari og miksa hjá øllum trimum bólkunum, og aftaná fer  George Nertantzis úr Grikkalandi fer at mastera tónleikin hjá teimum

- Teir báðir, Theodor og George síggja hetta sum ein heiður, og lova at leggja alla orku í at bólkarnir fáa best hugsandi úrslit.

  - Sostatt vinna nummar 1, 2 og 3 upptøkur, framleiðslu, miksing OG mastering. Og fyri tað ikki skal vera lygn, so kunnu bólkarnir flyta inn í Studio Bloch dagin fyri upptøkurnar, gera klárt og venja í Studio Bloch. Harvið fer ongin tíð til spillis við at seta upp og gera klárt.

Studio Bloch fer eisini at skipa fyri eini "lurtisessión", tá tónleikurin er liðugur og útgivin. Lurtisessiónin verður fyri innbodnum gestum sum til dømis tíðindafólki, festival- og konsert fyriskiparum, FMX og øðrum týðandi fólkum innan tónleikavinnuna. 

Hetta kann geva timum trimum bólkunum, ið standa seg best í kappingini, góðar møguleikar.

Til ber at melda seg til Sement 2022 her. Freistin er 1. mars.