Sera hált í Vágunum í morgun

Vága kommuna bað í morgun fólk um at verða sera ansin, tá tey fóru út. Kommunan skrivar, at sera hált var ymsastaðni, og at íslagið er so tjúkt, at tað var vandi fyri at tað fór at taka eina løtu áðrenn saltingin hevði virknað.

Landsverk boðar eisini frá hálku kring oyggjarnar. Boðað verður frá, at roknast kann við hálku á Dalavegnum til Viðareiðis, í Gerðabøi í Klaksvík, á Kambsdali, við Høgareyn og í Vatnsoyrum.