Sissal sigraði í Herning

(Video: DR)

--

Fyri aðru ferð hevur ein føroyingur vunnið eitt danskt Melodi Grand Prix. Fyri tveimum árum síðani var tað Reiley (Rani Petersen) úr Havn, og nú hevur 30-ára gamla havnarkvinann Sissal Jóhanna Norðberg Niclasen gjørt tað sama.

Við Hallucination var læraralesandi føryingurin skýrdur at vera stórfavorittur. Hesa støðuna livdi hon væl upp til.

Framførslurnar vóru sannførandi og fingu salin at kóka. Stóra og sterka røddin hjá Sissal hóskaði væl til stóru høllina í Boxen, og hóast onnur gjørdu meira burtur "show'inum", so var tað Sissal, sum sigraði.

Sjampagna til Sissal og toymi eftir kunngerðina (Mynd: Sverri Egholm)

Dómsnevndin peikaði á Sissal. Hon var ikki nummar eitt hjá hyggjarum, men hon var júst framamnfyri nummar tvey. Eitt stig skilti Sissal Jóhannu og Tim Schou. Síðstnevndi fekk flest atkvøður frá hyggjarunum, Sissal fekk næstflest men hon var fremst hjá dómarunum.

Rørda songkvinna kann nú framføra Hallucination fyri triðju ferð í kvøld og byrja at fyrireika seg til Eurovision, sum verður 15. mai í Sveis.

Dagført 22.16: Meira úr Herning seinni.