Alda Nielsdóttir
Ein sjálvmorðsbumba hevur dripið tríggjar tjekkiskar Nato-hermenn í eystara partinum av Afghanistan. Eisini vórðu ein amerikanskur hermaður og tveir afghanskir hermenn særdir í álopinum.
Tað upplýsir Nato og tjekkiska stýrið, sambært Politiken.
Hetta hendi við býnum Charikar, ið er høvuðsstaður í Parwan-landspartinum. Bumban var, sambært guvernørinum í Parwan, ætlað útlendsku hermonnunum, ið vóru á vanligari varðferð.
Hermenn úr USA verða ofta sendir til eystara partin av Afghanistan fyri at berjast móti hernaðarislamistum. Enn er tað eitt av vandamiklastu støðunum hjá Nato-hermonnum at vera.
Taliban hevur tikið ábyrgdina fyri álopið, og sambært teimum, vóru tað amerikanskir hermenn, ið vóru dripnir í álopinum.
Talsfólk fyri Taliban, Zabihullah Mujahid, segði soleiðis um álopið:
"Vit hava dripið átta amerikonsk álopsfólk við einari taktiskari bumbu."
Vinarliga broyt tínar kennifíla - og privatlívsstillingar fyri at síggja hetta innihald