Sjey ára fongsul fyri smuggling

Ein týskari og ein rumeni eru sømdir sjey ára fongsul í Íslandi fyri royna at smuggla næsta 40 kilo av amfetamini og fimm kilo av kokaini til landið.

Teir vórðu tiknir 3. august í fjør, tá teir komu til Seyðisfjarðar við Norrønu, skrivar visir.is.

Rúsevnini vórðu smugglað í einum Austin Mini Cooper bili. Talan er um millum størstu mongdirnar, sum nakrantíð eru avdúkaðar smugglaðar til Íslands.

Ákærumyndugleikin kravdi tíggju ára fongsul. Umframt rúsevnini, varð hald eisini lagt á bilin hjá monnunum, skrivar Vísir.