Sjey bileigarar hava mist nummarpláturnar í nátt

Sum vit skrivaðu um í gjár, so er hetta tíðin har løgreglufólk eru úti og taka nummarplátur av bilum.

Sí eisini: Løgreglan klipti fýra nummarplátur á nátt

Sambært løgregluni er listin frá Akstovuni og tryggingarfeløgum langur. Tað snýr seg um bilar sum ikki hava verið til innkallað sýn, ella har eigararin ikki hevur goldið vegskatt ella ábyrgdartrygging.

Vantandi vegskattur, trygging og sýn hevur aftur í nátt kostað fleiri persónum nummarpláturnar.

Vaktleiðarin á løgreglustøðini í Havn upplýsir í morgun, at løgreglufólk hava í nátt verið í miðøkinum og tikið pláturnar hjá sjey bilum, sum vóru á listanum.