Sjey bilførarar fingu bót í Eysturoynni í gjár

Fyrrapartin í gjár var løgreglan úti og kannaði ferðsluna í Eysturoynni. Í hesum sambandi fingu sjey bilførarar bót.

Tríggir bilførarar snakkaðu í telefon, og fingu teir eina bót uppá 1000 krónur í part.

Eisini fingu fýra bilførarar bót fyri at koyra av skjótt í bygdum øki. Í bygdum øki er bert loyvi at koyra 50 km/t, og teir koyrdu allir millum 71 og 74 km/t, og tí fingu teir eina bót uppá 2500 krónur í part.

Burtsæð frá hesum, var einki at finnast at, sigur vaktleiðarin á politistøðini í Havn.