Sjey fólk søgd úr starvi hjá Bústøðum

Bústaðir hevur fyrr í dag sagt heili sjey starvsfólkum í starvi. 

Hetta hevur Portalurin fingið upplýst, og tað hevur heimasíðan in.fo eisini skrivað fyri løtu síðani.

Starvsfólkini hava fingið kunning um hetta fyrrapartin. 

Sambært in.fo er talan er um tríggjar húsavørðar, ein byggifrøðing, tvey fólk á fíggjardeildini og eitt skrivstovufólk.

Við stjóranum eru 16 starvsfólk skrásett á heimasíðuni hjá Bústøðum. Harvið eru nú bert níggju eftir. 

Jógvan Ósa tók við starvinum sum stjóri í summar. Tað hevur ikki eydnast okkum at fáa fatur á honum í hesum sambandi.

Jógvan Ósa, stjóri

Eitt mál viðvíkjandi avvarandi landsstýriskvinnuni og útsagnum hennara um langtíðarhaldføri hjá Bústøðum koyrir í løtuni.