Sjey hvalir hildnir til í Hvannasundi

Umleið klokkan 13.30 seinnapartin vóru grindaboð. Ein lítil grind varð funnin í Svínoyarfirði, og varð hendan rikin á Hvannasund á Viðoynni.

Løgreglan skrivaði í fráboðan á Facebook, at tunnlarnir norður um fjall eru stongdir, og ferðslan verður stýrd av løgregluni sunnan fyri Árnafjarðartunnilin.

Soleiðis var eina løtu - sum Portalurin fær upplýst, so vildu nógv norður um, men skjótt kundi løgreglan upplýsa, at orsøk ikki var til tess.

Grindin var ógvuliga lítil - bert sjey hvalir løgdu beinini - og tað gekk skjótt. Nóg mikið av fólki var, og verður grindin  býtt millum drápsfólkið. Hetta sigur sýslumaðurin, Jacob Vestergaard, við Norðlýsið.