Sjóborg á skipasmiðju í Noregi

Frálandaskipið Sjóborg hjá reiðarínum Skansi Offshore skal nú á skipasmiðju í Noreg, har skaðin, sum hendi farnu fríggjanátt skal gerast.

Sjóborg var tá við oljupallin Statfjord A í Norðsjónum.

Jens Meinhard Rasmussen, stjóri í Skansi Offshore, upplýsir fyri Kringvarpinum, at skipið fekk skaða á mastrina og útgerðina á henni umframt eina buklu í skrokkin har afturi.

Tað verður ikki neyðugt at taka skipið upp.

Sáttmálin við Equinor, sum eigur oljumællin sigur, at Skansi Offshore rindar umvælingina av Sjóborg meðan Equinor sjálvt rindar fyri skaðan á oljupallin.

Eingin framleiðsla var á Statfjord A, tá óheppið hendi, veit Kringvarpið.

Statfjord A fekk nakað av skaða har bjargingarbátarnir eru (Mynd: Equinor)

(Savnsmynd: Jens Kr. Vang)