Skála skúli letur 13.000 krónur til Reyða Kross

Í farnu viku fekk Reyði Krossur Føroya handað 13.000 krónur frá Skála skúla.

Skála skúli hevur í nøkur ár havt ein fastan Reyða Kross dag, har tey hava skipað fyri kafé, loppumarknaði og aðrari sølu fyri at savna pengar inn til Reyða Kross, og í ár komu heilar 13.000 krónur inn, skrivar Reyði Krossur.

Tórfinn Højgaard, næstformaður í Reyða Krossi var á gátt á Skála skúla í farnu viku, har hann fekk handað gávukortið, umframt eitt serligt innkeypsnet, sum næmingarnir sjálvir høvdu seymað til endurnýtsluna hjá Reyða Krossi.

(Mynd: Reyði Krossur Føroya/Facebook)