Etiska ráðið skipar fyri ráðstevnu um fosturtøku

Mikudagin 19. apríl skipar Etiska ráðið fyri almennari ráðstevnu um forsturtøku. 

Endamálið við ráðstevnuni, sum verður í Skúlanum við Løgmannabreyt, er at hyggja at argumentum fyri og ímóti fosturtøku, sigur Etiska ráðið í tíðindaskrivi.

– Tó at tað neyvan verður hendan ráðstevnan, sum loysir allar ósemjurnar um evnið, so vóna vit at ráðstevnan kann vera við at gera at fólk skilja argumentini á báðum síðum, og kann vera eitt íkast til at kjakið um fosturtøku er minni merkt av polarisering, sigur ráðið.

Ráðstevnan verður tikin upp á band, og eftir ráðstevnuna er ætlanin at brúka upptøkurnar, saman við kunnandi tilfari, Etiska ráðið framleiðir um evnið, at gera undirvísingartilfar og undirvísingargongdir.

Skráin fyri ráðstevnuna

19:00 – Vælkomin
19:05 – Framløga um fosturtøku í Føroyum, Turið Hermansdóttir
19:25 – Argument fyri og ímóti fosturtøku, Arni Zachariassen og Súsanna Mortensen
19:40 – Steðgur
20:00 – Pallborðskjak
20:40 – Sofaprát, Jógvan D. Hansen og Armgarð Arge
21:00 – Takk fyri