Uttanlands

Skotska løgreglan ávarar um svartan pantara

Løgreglan heldur at ein svartur pantari gongur leysur í Skotlandi

Tilvildarlig mynd

Tilvildarlig mynd

2018-10-19 14:28 Author image
Ari av Rana
placeholder

Skotska løgreglan ávarar borgararnar í Ayrshire um, at ein svartur pantari møguliga gongur leysur í økinum.

Løgreglan hevur í dag fingið fráboðanir um at eitt djór, sum fólk halda er ein pantari, gongur leysur tætt við bygdirnar Drongan og Coalhall í Ayrshire økinum.

Løgreglan heitir á fólk um at verða ansin og ikki at nærkast djórinum. Løgreglan leitar saman við einum djóraserfrøðingi eftir djórinum, sum tey halda er sært. Leitað verður við tyrlu í økinum, skrivar Sky News.

Løgreglan setti seg í samband ið djóraverndina í økinum, men hesi hava ikki tólini til at fanga ein pantara, og vilja tí ikki verða við í royndini at finna og fanga pantaran.

placeholder
placeholder