Skriva nú undir sáttmála um Hvalbiartunnilin

Fyrrapartin í morgin undirskrivar Landsverk arbeiðstakarasáttmála við Samtakið Articon um gerð av nýggjum Hvalbiartunli og tilkoyringarvegum.

Tað boðar Landsverk frá á heimasíðuni.

Síðsta vikuskiftið var kunnandi fundur hildin suðuri í Salt um nýggja Hvalbiartunnilin. Talan var um ein fund, har bæði Landsverk, Articon, hvalbingar, politikkarar og onnur førdu fram síni sjónarmið um nýggju farleiðina til Hvalbiar.

Nú er komið so væl áleiðis millum partarnar í sáttmálasamráðingunum, at sáttmáli verður undirskrivaður á Landsverki fyrrapartin í morgin. Tá fara virkandi stjórin á Landsverki, Árant Andriasson, og Jón Sigurdsson, stjóri á Articon, at skriva undir arbeiðstakarasáttmálan.