Skrivaðu út 22.000 krónur í bót í ein tíma

Løgreglan skovlar pengar inn í sektarkassan í hesum døgum, nú tað er bannað at koyra niðan eftir einum parti av Sundsvegnum í Havn orsaka av arbeiði.

Tað vísir seg, at nógvir bilførarar als ikki virða skeltingina, sum sigur, at tað er einans Bussleiðin, sum sleppur at koyra niðaneftir.

Í gjár stóð løgreglan um middagsleitið í ein tíma og kannaði ferðsluna, og skrásetti 12 bilar, sum ikki aktaðu skeltingina. Hesir bilførarar fáa klipp í kortið umframt eina bót á 1.500 krónur, altso 18.000 krónur í sektarkassan.

Men fýra av besum bilførarum tosaðu eisini i fartelefon, so harvið kom tilsamans 4.000 krónur afturat í sektarkassan.

Í gjárkvøldið rendi ein bilur inn í eini hús í Saltangará, har matstovan Etika heldur til.

Sí myndir á Eysturoyarportalinum

Bilførarin varð fluttur á sjúkrahúsið til viðgerð av smáskaðum, men eisini fyri at taka blóðroynd, tí illgruni var um, at talan var um rúsdrekkakoyring.

Í nátt var løgreglan eisini úti og klipti níggju nummarspjøldur av bilum, sum eru afturút við at rinda veggjald, trygging ella líknandi.