Innanlands

Skrúva fyri vatninum: Dagstovnur má steingja í morgin - børnini fáa ikki vaskað sær um hendurnar.

Frá hálvgun tíggju á morgni og út á seinnapartin verður eingin vatnveiting á Skála. Børnini á dagstovninum, vaska hendur javnan í hesum tíðum, og tí er dagstovnurin ikki opin í morgin

Dagstovnurin á Skála verður stongdur, tí einki drekkivatn verður í bygdini

2020-04-21 22:11

Agnar Prestá

Stongt verður fyri vatninum á Skála í morgin klokkan hálvgun tíggju fyrrapartin til klokkan fimm seinnapartin ella so leingi arbeitt verður, boðar Runavíkar kommuna frá.

Reinføri skal haldast í hesum tíðum, og tí ber ikki til at hava dagstovnin opnan, skilst. Foreldur hava fingið boð um, at tað er stongt í morgin orsaka av hesum.

Barnahúsið Sellin lat annars upp aftur í gjár.

Vinarliga broyt tínar kennifíla - og privatlívsstillingar fyri at síggja hetta innihald