Skuldsettir fyri rúsdrekkakoyring

Løgreglan handtók um fýra tíðina í morgun tveir ungar mans og skuldsett teir fyri rúsdrekkakoyring eftir eitt ferðsluóhapp í miðbýnum í Havn í nátt.

Óhappið hendi í Magnus Heinasonargøtu. Hóast talan er um ein lítlan vegastubba, so megnaðu dreingirnir at gera stóran skaða á ein parkeraðan bil, tá teir royndi at skora seg millum parkeraðu bilarnar í gøtuni.

Tveri ungir mans vóru í bilinum, og teir eru skuldsettir fyri rúsdrekkakoyring.

- Tað vísir seg at annar teirra hevur koyrt, staðfestir vakthavandi á løgreglustøðini.

Annars hevur verið stak friðarligt annað páskakvøld og -nátt, verður upplýst.

Dagføring - les: Hevði endað inni í húsinum stóð garðurin ikki fyri