Smyril avlýsir fyrru túrarnar: Brek á kølivatnsskipanini

Vegna brek á kølivatnsskipanini á Smyrli verða túrarnir kl. 8:30 av Krambatanga og kl. 11 av Havnini ikki sigldir. Smyril siglir aftur av Krambatanga kl. 17.30.

Hesum boðar Strandferðslan frá í morgun.

Dimmalætting skrivar á heimasíðuni, at ferðafólk vóru komin umborð áðrenn boðini komu um tekniska brekið. Tey hava fingið bjóðað at vera verandi umborð, men tey flestu eru farin í land aftur, sigur dimma.fo.