Smyril avlýsir túrar og bussleiðir í Suðuroynni koyra ikki meira í kvøld

Fyri veður er seinasta fráferðin hjá Smyrli í kvøld av Krambatanga og fráferðin í morgin klokkan 7 úr Tórshavn avlýst.

Siglt verður aftur av Krambatanga í morgin klokkan 9:30, og síðani verður siglt sambært ferðaætlanini, sigur Strandferðslan.

Eisini bussar í Suðuroynni eru ávirkaðir av veðrinum. Fyri veður koyrir leið 700, sum koyrir millum Tvøroyri, Vág og Sumba ikki meira í kvøld. Somuleiðis koyrir leið 701 ikki til Fámjins í kvøld.

Boðað verður frá nakað av vindi í kvøld. Veðurstøðin hjá Landsverk mátar 38 metrar um sekundi í hvirlunum um Ørðaskarð á Fámjinsvegnum.

Fylg veðrinum her