Smyril avlýsir tveir túrar í kvøld

Veðrið ávirkar siglingina á suðuroyarleiðini í dag, og boðar Strandferðslan frá, at tveir túrar hjá Smyrli eru avlýstir í kvøld.

Strandferðslan skrivar á heimasíðuna, at einastu túrarnar í dag eru av Havnini klokkan sjey, av Krambatanga klokkan 13 og av Havnini klokkan 16. Síðani verður ikki siglt meira fyri dagin.

Hetta merkir, at túrarnir klokkan 18.30 og 21.15 eru avlýstir

Lagt verður afturat, at Bygdaleiðir í Suðuroy koyra í sambandi við broyttu ferðaætlanina. Meira kunning fæst her.