Smyril siglir ikki tveir av túrunum í dag

Strandferðslan boðaði í vikuni frá, at fráferðirnar hjá Smyrli í dag, leygardagin 27.april,  kl. 16 av Havnini og 18.30 av Tvøroyri verða ikki sigldar.

Orsøkin er, at arbeitt verður uppá trygdarútgerðina umborð á skipinum.

Júst hetta ávirkar í løtuni, hvussu nógv fólk kunnu ferðast við Smyrli. Vegna eftirlit av trygdarútgerðini er mest loyvda tal av ferðandi hvønn túr 430. Hetta er galdandi í tíðarskeiðinum 23. apríl til og við 1. mai.