Sóknast eftir vitnum

Løgreglan sóknast eftir vitnum í sambandi við eina hending í eysturbýnum í Havn 24. september, náttina millum hósdagin og fríggjdagin.

Talan er um ein ungan mann, sum varð funnin uttan vit uml. klokkan fýra um morgunin í vegamótinum Djóna í Geilgøtu/Bókbindaragøtu og hevði skaðar í andlitinum.

Maðurin er um 20 ára gamal og var í svartari hettutroyggju, svørtum buksum og hvítum skóm. Maðurin varð, áðrenn hann bleiv funnin uttan vit, seinast sæddur uttanfyri Hotel Brandan umleið klokkan hálvgum tvey.

Løgreglan sóknast eftir vitnum, sum møguliga kunnu siga, hvat er farið fram í tíðarbilinum, frá maðurin bleiv sæddur við Hotel Brandan, til hann bleiv funnin á Djóna í Geilgøtu, skrivar løgreglan á Facebook.

Tey, sum halda seg vita okkurt, kunnu boða løgregluni frá á tlf. 351448 ella 114.