Sølan av New York-ferðaseðlum má bíða

Tey sum høvdu glett seg til at keypa ein ferðaseðil úr Vágum og til býin sum aldrin svevur, New York, mugu bíða nakrar dagar afturat.

Sølan skuldi annars byrja í dag.

- Vit høvdu glett okkum til at seta ferðaseðlarnar til New York til sølu í dag, mánadag 15. mai, men tíverri hava vit rent okkum í tekniskar trupulleikar við bíleggingarskipanini, sum hevur við sær, at vit noyðast at útseta søluna, skrivar Atlantic Airways í fráboðan.

Sølan byrjar mikudagin 17. mai klokkan 13, sigur Atlantic Airways.

Føroyska flogfelagið flýgur til New York millum 22. august og 4. oktober í ár. Prísirnir tur retur verða úr 5.995 krónum.