Alda Nielsdóttir
Fyri 60 árum síðani skrivaði rithøvundurin Jens Pauli Heinesen yrkingina Sóleyan um menniskjans undurfullu, men tó so sárbæru og óvissu tilveru. Árið eftir at hann andaðist í 2011, setti dóttirin, Elin Brimheim Heinesen tónar til yrkingina í eini roynd at handfara sorgina eftir at hava mist pápan.
Lagið varð givið út 12. november, og um vikuskiftið kom eitt tilhoyrandi sjónbandalag eisini út.
Elin droymdi um at innspæla lagið við symfoniorkestri og manskóri, men hevði ikki ráð til at fíggja eina so stóra verkætlan einsamøll, og á sumri í fjør leitaði hon sær tí hjálp at gera dreymin til veruleika umvegis hopfigging.fo. Tað eydnaðist eftir seks døgum at fáa ynsktu upphæddina inn, og tá hópfíggingarátakið var av, vóru 80.000krónur komnar inn.
Stórsligna symfoniska útsetingin hevur italska tónaskaldið Enzo de Rosa staðið fyri, og hon er innspæld við City of Prague Philharmonic Orchestra og Tórshavnar Manskóri.
Sjónbandalagið kann síggjast omanfyri.
Vinarliga broyt tínar kennifíla - og privatlívsstillingar fyri at síggja hetta innihald