Soppur staðfestur í Suðuroyar Apoteki

Kanningar eru gjørdar av hølunum hjá Suðuroyar Apoteki á Tvøroyri og har er staðfest, at soppur er í hølunum.

Tað er Landsverk sum hevur skipað fyri at kanningarnar eru gjørdar, og Landsverk arbeiðir nú saman við Apoteksverkinum og Heilsumálaráðnum fyri at finna skilabestu loysnirnar í mun til trupulleikan, upplýsir Hjalti Gunnarstein, landspotekari.

Eisini verður kannað um tað møguliga er neyðugt at flyta í onnur høli, meðan trupulleikin verður loystur.