Spæliplássið á Kráargøtu verður dagført fyri 746.848 krónur

Býráðið í Klaksvík samtykti at víðka játtanina við 284.958 krónum, soleiðis at gummi nú verður lagt á alt økið á spæliplássinum á Kráargøtu, eins og tað er vorðið gjørt á Jørundsgøtu og við Mylnutún.

- Kommunan hevur síðani síðsta summar dagført flestu spæliplássini í býnum. Nú er tíðin komin til spæliplássið á Kráargøtu. Á býráðsfundinum í gjár bleiv samtykt at víðka verkætlanina, sum varð samtykt á býráðsfundi í oktober í fjør, tá tikið varð av tilboðnum at umvæla spæliplássið á Kráargøtu.

Heimasíðan hjá kommununi skrivar, at tað verður eitt økið á 484 fermetrar, ið verður gummilagt, og at parkeringsmøguleikarnir eisini skulu raðfestast.

Samlaði kostnaðurin at dagføra spæliplássið við Kráargøtu er mettur til 746.848 krónur.

Klaksvíkar býráð samtykti millum eisini á býráðsfundinum í gjár, at Klaksvíkar kommuna skal vera partur av tilgongdini at menna Talgildu Føroyar.

Mynd: torshavn.fo