Spania: Nýtt hitamet fyri juni

Leygardagin varð nýtt hitamet sett í Spania, tá 46 hitastig vórðu máld í býnum El Granado í Útsynningsspania.

Tað er tað hægsta, sum nakrantíð er skrásett í Spania í juni. Gamla metið var 45,2 stig, og tað varð skrásett í Sevilla í 1965.

Leygardagin vórðu eisini skrásett 44 hitastig í landslutinum Córdoba, og 43,9 hitastig í Sevilla, skrivar Ritzau.

Sambært sponskum veðurfrøðingum væntast núverandi hitabylgjan at vara fram til í morgin, 1. juli.

Um vikuskiftið vórðu Portugal, Frakland og Italia eisini rakt av hitabylgju.