Spanska løgreglan lagt hald á 6,5 tons av kokaini nær við Kanarisku oyggjarnar

Sunnudagin legði spanska løgreglan hald á 6,5 tons av kokaini, sum varð funnið á einum skipi nær við Kanarisku oyggjarnar.

Rúsevnini vórðu funnin í lastini á skipinum, eftir at spanska løgreglan hevði fingið eitt tipp frá amerikonskum myndugleikum, skrivar Ritzau.

Skipið, sum hevði tansaniskt flagg, var farið úr Panama og hevði kós móti býnum Vigo í Útnyrðingsspania. Ikki verður upplýst, hvønn tjóðskap menninir umborð á bátinum høvdu.

Sponsku myndugleikarnir lýsa hetta sum ein av størstu nøgdunum av rúsevnum, sum er funnin seinastu árini.

Spania er eitt væl umtókt mál hjá smuglarnum, sum ynskja at smugla kokain til Evropa. Orsøkin er góða sambandið til Latínamerika, har stórar nøgdir av kokaini verða framleiddar.