Tíðindaskriv
Bólkurin Starlight, sum hevur røtur úr syðru helvt av Suðuroynni og spælir tónleik, ið hevur røtur í sjeyti- og áttatiárunum, eru nú aktuellir við einum nýggjum sangi, ið kallast “Rótasúpan”. Sangurin er um at breiða út tíðindi og leysasøgur, sum kanska ikki altíð eru sannar. Flest øll kenna til hetta so ella so.
Starlight byrjaði í seinnu helvt av sjeytiárunum, og spældi nógv til dans kring landið í sjeyti- og áttatiárunum. Eftir langan steðg hevur bólkurin luttikið á tveimum Ljósfestum í Vági ávikavist í 2023 og 2024. Bólkurin hevur havt ein dreym um at geva tónleik út síðani byrjan, og loksins eftir 40-45 ár er hetta blivið til veruleika.
Herfyri kom út sangurin "Knáir gamlir menn", sum hevur verið sera væl móttikin og er nógv spældur í útvarpi og talgildum pallum. Nú er so tað næsta lagið hjá bólkinum givið út.
Limirnir í bólkinum eru Fimmboði Lisberg, sang og kassaguitar; Jákup Hansen, sang; Sámal Samuelsen, trummur; Kári Lisberg, bass; og Jóhan Martin Jacobsen, el-guitarar.
Vinarliga broyt tínar kennifíla - og privatlívsstillingar fyri at síggja hetta innihald