Stórabretland fer í dag at viðurkenna Palestina sum stat

Í dag fer bretski forsætisráðharrin, Keir Starmer væntandi formliga at viðurkenna Palestina sum stat.

– Eitthvørt stig móti einari viðurkenning kemur av ynskinum um at halda lív í møguleikanum fyri einari tveystatsloysn, sigur bretski varaforsætisráðharrin, David Lammy sambært Ritzau.

Ein tveystatsloysn inniber ein palestinskan stat - Vestari Áarbakki og Gaza - sum er óheftur av Ísrael við egnari stjórn.

Í dag verða Vestari Áarbakki og Gaza stýrd av tveimum ymiskum felagsskapum.

Fleiri lond taka undir við einari tveystatsloysn, eisini lond, sum ikki hava viðurkent Palestina sum stat enn.

Tað var í juli, at bretar boðaðu frá, at teir fóru at viðurkenna palestinska statin, nakað sum sambært ísraelska forsætisráðharranum, Benjamin Netnayahu, er at geva løn fyri at fremja yvirgang.