Stórt tjald fór á flog

Hóast summar er, hava vit einki summarveður í hesum døgum. Á havnarøkinum í Leirvík í nátt fór eitt stórt tjald við vindinum.

Tinda dagur skal vera í dag, og í tí sambandi var tjaldið sett upp. Millum annað dansur skuldi vera har í kvøld. 

Tjaldið varð ikki farið á sjógv, men hevði lagt seg upp ímóti einum trolbáti. Sum skilst á vaktleiðaranum á løgreglustøðini í Havn, er tjaldið illa farið.

Løgreglan hevur annars ikki fingið aðrar fráboðanir um vindskaðar higartil.