Innanlands

Stórur steinur á vegnum

Løgreglan fekk fleiri fráboðanir um, at ein steinur lá á vegnum til Funnings seinnapartin

2019-02-09 19:30 Author image
Alda Nielsdóttir

Um 15-tíðina seinnapartin varnaðust fólk, at ein stórur steinur lá á vegnum til Funnings.

Løgreglan fekk fleiri fráboðanir um hetta, og boðaðu tey Landsverk frá beinanvegin.

- Tað er allarhelst eitt petti av grót, sum er rullað oman á vegin, men tað hevur ikki órógvað ferðsluna serliga nógv, sigur vakthavandi á politistøðini í Havn.

Landsverk ávaraði fyrr í vikuni bilførarar um at ansa sær fyri hálku og áarlop, tá kavin byrjaði at tiðna.

placeholder
placeholder