Innanlands

Stovnað partafeløg til Hotel Atlantic

P/F Hotel Atlantic skal reka hotellið

Stovnað partafeløg til Hotel Atlantic
2018-09-13 20:10 Author image
Sverri Egholm

Tvey nýggj partafeløg eru í stovnað í sambandi við nýggja hotellið, sum Atlantic Airways byggir á Staravegi í Havn.

Annað er P/F Hotel Atlantic, sum hevur til endamál at reka hotelvirksemi og annaða virksemi í hesum sambandi. Nevndarformaður er tann sami sum í Atlantic Airways, Niels Mortensen. Umframt hann eru Marius Davidsen, Fróði Magnussen og Jóhanna á Bergi.

Jóhanna á Bergi er stjóri í felagnum. Partaeningurin er 25 milliónir krónur.

P/F Ognarfelagið matr.nr 1332e er eisini stovnað. Stovnarar eru P/F Tryggingarfelagið Lív,  P/F Lív lívs- og pensiónstryggingarfelag og P/F Hotel Atlantic.

Nevndarformaður er Jan Jakobsen, sum er stjóri í Lív, og stjóri í ognarfelagnum og nevndarlimur er Niels Mortensen. Hinir nevndini eru umframt teir báðar omanfyri nevndu, Fróði Magnussen og Arnfinnur Gudjónsson. Partapeningurin er 8 milliónir krónur.

Hotel Atlantic skal standa liðugt í apríl/mai mánað í 2020.

placeholder
placeholder