Alda Nielsdóttir
Frákoyrdi suðurkoreanski forsetin, Yoon Suk-yeol, sum varð handtikin miðskeiðis í januar, er blivin leyslatin aftur, eftir at ein suðurkoreanskur dómstólur í gjár ógildaði boðini um at handataka hann.
Yoon er fyrsti sitandi forseti í Suðurkorea, sum er blivin handtikin. Hann bleiv handtikin í sambandi við kanningararbeiðið í málinum um hernaðarligu undantaksstøðuna, sum hann lýsti 3. desember í fjør. Undantaksstøðan varð ólgildað nakrar tímar seinni av suðurkoreanska tjóðartinginum.
Í desember avgjørdi ein meiriluti í tjóðartinginum eisini at reisa ríkisrættarmál móti Yoon, og revsimál er eisini reist móti honum fyri uppreistur. Revsingin fyri uppreistur kann vera upp í lívlangt fongsul ella avrætting, men eingin er blivin avrættaður í Suðurkorea í fleiri áratíggju, skrivar Ritzau.
Vinarliga broyt tínar kennifíla - og privatlívsstillingar fyri at síggja hetta innihald