Suðuroyar Sparikassi hækkar út- og innlánsrenturnar

Eftir at evropeiski miðbankin (ECB) og danski tjóðbankin 4. mai aftur hækkaðu leiðandi rentuna, hevur Suðuroyar Sparikassi eisini tikið avgerð um at hækka sínar út- og innlánsrentur.

Rentuhækkingarnar merkja, at innlánsrenturnar hækka við upp til 0,4 prosent-stigum p.a. Útlánsrenturnar hækka við upp til 0,25 prosent-stigum p.a. fyri bæði privat- og vinnukundar.

Rentubroytingarnar koma í gildi 10. juli.