Regin Winther Poulsen
- Fleiri týðandi samfelagsligir fyrimunir eru við einum Suðuroyartunli, fyrst og fremst fyri tey, sum búgva í Suðuroynni, men eisini fyri alt landið, tí møguleikar verða at heildarhugsa vælferðartænastur og marknaðir fyri bæði vørur og tænastur.
Tað heldur arbeiðsbólkurin, sum í dag handaði Heðini Mortensen álit um Suðuroyartunnil. Arbeiðsbólkurin skuldi vísa á fyrimunir og vansar við tunnlinum, men hevur eisini gjørt kostnaðarmeting av verkætlanini.
Tunnilin verður 22,5 km. langur og fer at kosta góðar 3 milliardir í dagsins peningi. Tað er longri enn bæði sandoyar- og eysturoyartunnilin til samans. Arbeiðsbólkurin skrivar eisini, at fleiri trygdarátøk enn vanligt skulu helst setast í verk, tá tunnilin er so langur.
Samferðslumálaráðið skrivar á heimasíðu síni, at landsstýrismaðurin skal taka støðu til, hvat skal gerast við málið nú.
Álitið kann lesast her
Vinarliga broyt tínar kennifíla - og privatlívsstillingar fyri at síggja hetta innihald