Summarfestivalurin avmarkar ferðsluna í komandi viku

Eins og onnur ár verður ferðslan kring miðbýarøkið í Klaksvík umskipað í sambandi við Summarfestivalin, sum verður í komandi viku.

Fyrireikingarnar til festivalin byrja at ávirka ferðsluna í morgin, mánadagin 5. august, og broytingarnar eru galdandi alla festivalvikuna. Koyrandi verður aftur sum vanligt mánamorgunin 12. august, skrivar Klaksvíkar kommuna, sum heitir á øll um at vísa varsemi í ferðsluni.

Í tíðarskeiðnum, meðan ferðslan er umskipað, koyrir Býarbussurin hjá kommununi ikki.

Her sæst, hvussu ferðslan verður ávirkað á Summarfestivalinum.