Summarkvøld við Toftavatn hósdagin

Hósdagin 19. juni kl. 18 verður summarkvøld við Toftavatn.

Tá ið summarið stendur í blóma, og náttúran vísir seg frá síni vakrastu síðu, bjóða Nes og Runavíkar kommunur til eina serliga løtu við Toftavatn – við tónleiki, hugleiðing og felagssangi.

Tiltakið byrjar kl 18.00. Farið verður til gongu frá tveimum støðum: Eftir gøtuni av Svangaskarði, og frá Skúlanum við Løkin kl. 17.50.

Summarkvøld við Toftavatn er eitt afturvendandi tiltak, sum tekur støði í gøtunum runt Toftavatn, sum Nes og Runavíkar kommunur er felags um.

Í ár er tað Marjun Niclassen, leiðari í Filmshúsinum, sum fer at hugleiða, meðan Jens Marni Hansen fer at syngja og spæla.

Talan er um familjuvinarligt tiltak. Okkurt verður bæði at eta og drekka – ókeypis.

Nes og Runavíkar kommunur