Sunda kommuna yvir 15% vøkstur í skattainntøku í januar og februar

Kommunuskattainntøkan hjá Sunda kommunu øktist 15,53% í januar og februar í ár.

Jaliga gongdin í skattainntøkuni heldur fram. Fyrstu tveir mánaðirnar í ár var persónsskattainntøkan kr. 11.500.154. Somu mánaðir í 2018 var inntøkan kr. 9.954.592. Tað er ein vøkstur uppá kr. 1.545.562 svarandi til 15,53%.

Í fíggjarætlanini fyri 2019 hevur kommunan roknað við eini persónsskattainntøku uppá kr. 64.850.000 ella kr. 5.404.167 um mánaðin. Tí kann staðfestast at fyrstu tveir mánaðirnir eru frammanfyri fíggjarætlanina.