Ingi Samuelsen
Danmarks Radio skrivar nú, at talið av deyðum frá bumbuálopunum í Gaza í nátt er oman fyri 400. Tað hevur heilsumálaráðið í Gaza, sum Hamas-rørslan hevur ræði á, upplýst fyri Reuters.
BBC skrivar, at minst 660 fólk eru særd, og hildið verður, at nógv fleiri enn liggja undir bumbaðu húsaleuvdunum.
Fýra framstandandi Hamas-limir eru eftir øllum at døma deyðir í álopunum, skrivar New York Times frá tíðindastænastuni hjá Hamas-stjórnini.
Tveir av teimum dripnu eru Issam Daalis, sum var partur av Hamas-leiðsluni í Gaza og Bahjat Abu Sultan, leiðara fyri trygdarstovninum hjá Hamas.
Ísraelski herurin, IDF, skrivaði á X í nátt, at tey høvdu gjøgnumført eitt “umfatandi álop” á “yvirgangsmál hjá Hamas”.
Hetta skrivaðu vit fyrr í dag: Ísrael hevur bumbað Hamas-mál í nátt
(Yvirskrift rættað kl. 1304)
Vinarliga broyt tínar kennifíla - og privatlívsstillingar fyri at síggja hetta innihald