Teitur funnið kærleikan

Teitur Juliansson Skoubo, sum í fjør vann donsku realitysendingina Paradise Hotel ger nú aftur um seg í donskum miðlum.

Fríggjadagin var sonevnda Reality Awards, har heiðrar vóru latnir fyri mangt og hvat. Teitur var ikki farin framvið radaranum hjá dómsnevndini, og hann fekk ikki færri enn tveir heiðrar.

Teitur fekk heiðurin sum ársins stjørnuskot, og so gjørdust hann og vinmaðurin Jonass Jannec eisini ársins par.

(Mynd: Teiturskoubo / Instagram)

Fyri donskum miðlum avdúkaði Teitur Skoubo eisini, at hann hevur funnið kærleikan. Tað er runnið saman millum 24 ára gamla havnamannin og 23 ára gomlu Christel Trubka, sum eisini hevur verið við í Paradise Hotel fyri nøkrum árum síðani, kundi Teitur stoltur greiða frá.

Teitur Skoubo vann Paradise Hotel 2019. Umframt heiðurin sum vinnari, fór hann avstað við 300.000 krónum.