Alda Nielsdóttir
Tvøroyrar kommuna hevur sett Teit Rubæk Rasmussen í starv sum fíggjarleiðara, boðar kommunan frá í tíðindaskrivi.
Teitur hevur útbúgving innan fígging og fíggjarstýring og drúgvar royndir sum fíggjar- og kundaráðgevi, har hann m.a. hevur arbeitt við roknskapargreining, gjaldførisstýring og ráðgeving.
Hann er 44 ára gamal og búsitandi í Trongisvág saman við unnustuni Rannvá B. Johannesen og børnunum teirra.
Sum fíggjarleiðari verður Teitur partur av leiðslutoyminum og fær ábyrgdina av fíggjarætlan, roknskapi og langtíðarætlanum, umframt at ráðgeva borgarstjóra, kommunustjóra og politisku nevndunum í fíggjarligum viðurskiftum fyri at tryggja góða fíggjarstýring í kommununi.
Teitur tekur við starvinum 1. januar 2026 og avloysir Amy Bech, sum hevur gjørt av at gevast fyri aldur, skrivar kommunan, sum takkar Amy fyri drúgva og trúgva tænastu og ynskir Teiti vælkomnan í starvið sum fíggjarleiðari.
Vinarliga broyt tínar kennifíla - og privatlívsstillingar fyri at síggja hetta innihald