Tepur meiriluti fyri varskógvaraskipanini

Bara 23 tingfólk vóru í tingsalinum, tá løgtingið í dag atkvøddi fyri umstrídda uppskotinum frá Kristinu Háfoss, landsstýriskvinnu í fíggjarmálum, um varskógvaraskipan.

Uppskotið varð samtykt við triðju viðgerð við 12 fyri, og 11 ímóti.

- Varskógvaraskipanin hevur til endamáls at tryggja greiðar reglur fyri alment sett starvsfólk í sambandi við fráboðanir um óreglusemi o.a. í fyrisitingini, stendur at lesa í uppskotinum hjá landsstýriskvinnuni.

Varskógvaraskipanin kemur í gildi 1. mars.